اسلام آباد (این این آئی)نجی ٹی وی نے ذرائع کے حوالے سے بتایا کہ ڈائریکٹر جنرل نیب راولپنڈی عرفان منگی نے اسلام آباد کے جوڈیشل کمپلیکس میں احتساب عدالت کے دونوں ججز محمد بشیر اور ارشد ملک سے ملاقات کی جو عدالتی وقت ختم ہونے کے بعد ہوئی اور ڈیڑھ گھنٹے تک جاری رہی۔ذرائع کے مطابق ملاقات کے موقع پر پاناما پراسیکیوشن ٹیم کے سپروائزر اورنیب پراسیکیوٹر سردار مظفر عباسی بھی موجود تھے۔ذرائع نے بتایا کہ ڈی جی نیب اور ججز کے درمیان ملاقات میں شریف
خاندان کے خلاف کیسز سے متعلق امور پر بات چیت کی گئی۔ نجی ٹی وی کے مطابق احتساب عدالت کے جج صاحبان سے ملاقات کے بعد ان سے سوال کیا کہ ملاقات کیسی رہی؟ اس پر انہوں نے بتایاکہ ہمیں ادھر مسئلہ ہے، تفتیشی افسران کے آفس کا مسئلہ ہے، ہمارے وکیلوں کا یہاں چھوٹا سا کمرہ ہے اور ایسی کا بھی مسئلہ ہے؟عرفان منگی نے بتایا کہ ہمارا کام کوئی بھی نہیں رہا، پاناما ختم ہوگیا ہے، اب تو ہم ان مقدمات میں گواہ بھی نہیں رہے، اب جو بھی کرنا ہے عدالتوں نے ہی کرنا ہے۔
