کراچی (نیوز ڈیسک) فالودے والے کے اکاؤنٹ میں اربوں روپے نکلنے کے بعد نیا فراڈ سامنے آ گیا ہے، ایک موقر قومی اخبار کی رپورٹ کے مطابق متعدد سادہ لوح شہریوں کے اکاؤنٹ خالی کر دیے گئے ہیں، رپورٹ کے مطا بق روزانہ درجنوں افراد اس نئے فراڈ کا شکار ہو رہے ہیں اور شہری اپنی محنت کی کمائی سے محروم ہو رہے ہیں،
رپورٹ کے مطابق ملک بھر میں بینک اکاؤنٹ ہولڈرز کو لوٹنے والے گروہ سر گرم عمل ہیں۔ ایک صارف کو ایک موبائل نمبر سے کال موصول ہوئی اور ان سے کہا گیا کہ ایک فالودے والے کے اکاؤنٹ میں اربوں روپے منتقل ہونے کے واقعہ کے بعد تصدیق کی جا رہی ہے اس لیے آپ اپنے بینک کا نام برانچ، شناختی کارڈ نمبر، ڈیبٹ کارڈ نمبر اور پن کوڈ بتائیں، جس پر شہری نے استفسار کیا کہ اسے ہیلپ لائن کی بجائے موبائل نمبر سے کیوں کال کی جا رہی ہے تو اس کے جواب میں شہری کو سنگین نتائج کی دھمکیاں دی گئیں، رپورٹ کے مطابق نوسر بازوں کا آن لائن بینکنگ کرنے والے صارفین آسان شکار ہیں، انٹرنیٹ بینک اکاؤنٹ بند ہونے کی اطلاع دے کر اسے بحال کرانے کے لیے ای میل میں دیے گئے لنک کو کلک کرنے کو کہا جاتا ہے اور وہاں تمام معلومات حاصل کی جاتی ہیں، صارف پریشانی سے بچنے کے لیے تمام معلومات دے دیتا ہے اور اس طرح طرح ان نوسربازوں کا شکار ہو جاتا ہے، اس طریقے کو فشنگ کا نام دیا گیا ہے اور خاص بات یہ ہے کہ فشنگ کا شکار ہونے والوں کو بنک کی طرف سے کوئی معاوضہ یا نقصان کی تلافی نہیں کی جاتی تاحال ادارے بھی ایسے گروہ کے گرد گھیرا تنگ کرنے میں ناکام ہیں۔ رپورٹ کے مطا بق روزانہ درجنوں افراد اس نئے فراڈ کا شکار ہو رہے ہیں اور شہری اپنی محنت کی کمائی سے محروم ہو رہے ہیں، رپورٹ کے مطابق ملک بھر میں بینک اکاؤنٹ ہولڈرز کو لوٹنے والے گروہ سر گرم عمل ہیں۔
