حیدر آباد (این این آئی)حیدرآباد میں 6 سالہ کم سن بچی ارمش کے قتل کا ڈراپ سین ہوگیا، بچی کو اسی کی ماں نے قتل کیا۔ایس ایس پی عدیل چانڈیو کے مطابق ارمش کی ماں شگفتہ نے ہی اپنی بیٹی کو قتل کیا، ملزمہ نے بچی کو سیرپ پلایا، پھر اس کی ناک دبا کر قتل کیا۔انہوں نے بتایا کہ ملزمہ نے اپنی بیٹی کے قتل کا اعتراف کرلیا ہے ٗملزمہ شگفتہ نے اپنے اعترافی بیان میں بتایا کہ آئے دن گھر پر جھگڑا ہوتا تھا اور نوبت طلاق تک

پہنچ گئی تھی۔ایس ایس پی عدیل چانڈیو کے مطابق بچی کی ماں بظاہر نفسیاتی مریضہ لگتی ہے، خاتون نے آج بھی کٹ لگا کر خود کو زخمی کرلیا تھا۔بچی کی ماں کو حراست میں لے لیا گیا ہے اور اس سے مزید تفتیش شروع کر دی گئی ۔خیال رہے کہ گزشتہ روز سی سی ٹی وی فوٹیج سامنے آئی تھی جس دیکھا گیا تھا کہ ارمش کی لاش ایک برقع پوش نے بیگ میں ڈال کر لطیف آباد 10 نمبر چوک میں ایک سنسان گلی میں پھینکی۔

موضوعات:قتل کا ڈراپ سین