لاہور (نیوز ڈیسک)سینئر صوبائی وزیر پنجاب عبدالعلیم خان نے کہا ہے کہ 100 روزہ پلان میں پنجاب کے 15 اہم شعبوں میں کام ہو رہا ہے ‘ یکم اکتوبر سے تجاوزات کے خلاف سخت گیر مہم شروع ہو گی‘ نئے بلدیاتی نظام میں گراس روٹ لیول پر ترقیاتی کام ہوں گے۔ جمعہ کو سینئر صوبائی وزیر عبدالعلیم خان کی زیر صدارت تجاوزات کے حوالے سے اجلاس ہوا۔ اجلاس سے خطاب کرتے ہوئے عبدالعلیم خان نے کہاکہ یکم اکتوبر سے تجاوزات کے خلاف
سخت گیر مہم شروع ہو گی ۔ کسی قسم کے سیاسی بائو کو خاطر میں نہ لایا جائے۔ تجاوزات کے خاتمے میں متعلقہ ادارے باہمی رابطے سے کام کریں۔ مہم میں شہریوں کا شعور اجاگر کیا جائے اور عوامی نمائندوں کو شامل کیا جائے۔ 100 روزہ پلان میں پنجاب کے 15 اہم شعبوں میں کام ہو رہا ہے۔ نئے بلدیاتی نظام میں گراس روٹ لیول پر ترقیاتی کام ہوں گے۔ انہوں نے کہا کہ تمام اضلاع روزانہ کی بنیاد پر رپورٹ پیش کریں۔
