اسلام آباد(اے این این )سابق اپوزیشن لیڈر اور پیپلزپارٹی کے سینئر رہنما خورشید شاہ نے نیب کے کیسز کو انتقامی کارروائی قرار دیدیا۔ سابق اپوزیشن لیڈر کا میڈیا سے گفتگو کرتے ہوئے کہناتھا کہ آج تک کسی شخص نے انگلی نہیں اٹھائی مگر اس طرح کے کیسز بنانا افسوسناک ہے ، ان کا کہناتھا کہ بات سادہ ہے جب بولیں گے تو کیسز کھلیں گے ہی۔

موجودہ حکومت کو دعوت دیتا ہوں میرے کیسز کی تفتیش کرے ،پیپلزپارٹی کے رہنما نے کہا کہ اگر میرے خلاف انکوائری ہے تو وہ پارلیمنٹ کرلے میں اپوزیشن لیڈر رہاہوں ،میرے خلاف کیس تھا تو تحقیقات کی جاتیں، تیس سال سے سیاست میں ہوں اپوزیشن اور وزارتیں دیکھی ہیں، دعوے سے کہتا ہوں اربوں روپے میں نے سرکار کے بچائے ہیں۔

موضوعات:خورشید شاہ