مکہ مکرمہ(نیوز ڈیسک) مکہ مکرمہ کے گورنر شہزادہ خالد الفیصل نے خادم الحرمین الشریفین شاہ سلمان بن عبد العزیز کی نیابت کرتے ہوئے منگل کے روز کعبہ مشرفہ کو غسل دیا ۔ اس موقع پر مسجد الحرام کی انتظامیہ کے صدر امام کعبہ ڈاکٹر عبد الرحمن السدیس‘ سعودی وزیر حج ڈاکٹر محمد بن صالح بن طاہر بن طین ‘ شاہی خاندان کے افراد‘ اعلی حکام ‘ علما‘ سعودی عرب میں مقیم

غیر ملکی سفارتی نمائندے اور معزز شخصیات نے تقریب میں شرکت کا شرف حاصل کیا ۔کعبہ کو ہر سال ایام حج ختم ہونے اور پر حاجیوں کی اپنے اپنے ملکوں کو روانگی مکمل ہونے کے بعد نئے ہجری سال کے آغاز پر یکم محرم کو غسل کعبہ کی تقریب منعقد کی جاتی ہے جبکہ غلاف کعبہ ہر سال 9ذوالحجہ کو یوم عرفہ کے موقع پر تبدیل کیا جاتا ہے ۔کعبہ کو غسل دینے سے پہلے اور بعد تمام شرکاء نے کعبہ کا طواف کیا ۔ کعبہ کو غسل دینے کے لئے عرق گلاب اورآب زمزم استعمال کیا جاتا ہے اور یہ کام تقریبا دو گھنٹے میں مکمل ہوتا ہے ۔دوران غسل کعبہ کا ماربل سے بنا ہوا فرش اور نصف بلندی تک اندرونی دیواروں کو عرق گلاب ، عود اور دیگر خوشبوئوں میں بھگوئے سفید کپڑے سے صاف کیا گیا جبکہ فرش پر آب زم زم اور عرق گلاب بہا کر کھجور کے پتوں اور خالی ہتھیلوں سے اسے صاف کیا گیا ۔ غسل کعبہ کے بعد شرکاء نے اس کے اندرونی حصے میں نوافل ادا کئے اور بعد ازاں کعبہ کا طواف کیا اور مقام ابراہیم پر نوافل ادا کئے ۔ کعبہ کی کلید کی حفاظت الشیبی خاندان کے سپرد ہے جو قبل از اسلام کے زمانے سے اس خاندان کے پاس چلی آرہی ہے ۔کعبہ کو غسل دینے کے لئے عرق گلاب اورآب زمزم استعمال کیا جاتا ہے اور یہ کام تقریبا دو گھنٹے میں مکمل ہوتا ہے ۔دوران غسل کعبہ کا ماربل سے بنا ہوا فرش اور نصف بلندی تک اندرونی دیواروں کو عرق گلاب ، عود اور دیگر خوشبوئوں میں بھگوئے سفید کپڑے سے صاف کیا گیا جبکہ فرش پر آب زم زم اور عرق گلاب بہا کر کھجور کے پتوں اور خالی ہتھیلوں سے اسے صاف کیا گیا ۔