کراچی(این این آئی)صوبائی وزیرصحت عذرا پیچوہو نے کتوں کے کاٹنے سے متاثرہ مریضوں کے حوالے سے الگ ہی منطق کا اظہار کرتے ہوئے کہاہے ہر کتا پاگل نہیں ہوتا کچھ اپنے دفاع میں کاٹ لیتے ہیں۔تفصیلات کے مطابق کراچی میں آوارہ کتوں نے شہریوں کی زندگی اجیرن کردی، بچے گھروں سے نکلنے سے گھبرانے لگے لیکن صوبائی وزیر صحت نے عجب منطق پیش کردی۔ اورکہاکہ کتا کاٹے تو اسے پکڑ لیں کیونکہ
ہر کتا پاگل نہیں ہوتا، اکثر کتے اپنے تحفط کے لیے کاٹتے ہیں۔ڈاکٹر عذرا فضل پیجو ہونے کہاکہ ہرکتے کے کاٹنے کے شکار شخص کو ویکسین نہیں لگوانی چاہیے، کتوں کے کاٹنے کی ویکسین ہمارے پاس کثیر تعداد میں موجود ہے لیکن مہنگی ہونے کی وجہ سے اس کا استعمال سوچ سمجھ کر کرنا ہوگا۔صوبائی وزیرصحت نے کانگو وائرس کے بڑھتے کیسز کی روک تھام کے لیے اسپرے اور روک تھام کی ہدایات بھی دی۔
