کراچی (این این آئی) سندھ نیشنل پارٹی کی طرف سے کالاباغ ڈیم سمیت تمام ڈیم نامنظور 30 ستمبر کو گورنر ہاؤس کے سامنے احتجاج (سندھ بچاؤ مارچ) کو کامیاب بنانے کے لئے پارٹی کی مرکزی قیادت کا کراچی کے مختلف سندھی گوٹھوں میں جاکر علاقے کے معززین اور پارٹی کارکنان سے بات چیت کرتے ہوئے پارٹی کے
مرکزی سینئر وائس چیئرمین رمضان بلیدی، وائس چیئرمین سائیں بخش بنگلانی، امیر کمبرانی، طارق خاصخیلی و دیگر نے کہا کہ سندھ کا عوام کالاباغ ڈیم سمیت کوئی بھی سندھ دشمن منصوبہ قبول نہیں کرے گا۔ جو جماعتیں ڈیم کی حامی ہیں اصل میں ملک کی خیر خواہ نہیں۔ زبردستی سندھ دریائے پر ڈیم کو قائم کرنا مردہ گھوڑے میں روح ڈالنے کے برابر ہے۔ سندھ نیشنل پارٹی کے مرکزی رہنماؤں نے مزید کہا کہ وفاق نے جب بھی فیصلہ کیا ہے وہ ہمیشہ سندھ دشمنی پر مبنی ہوتا ہے۔ جو سندھ سے سراسر تعصب پرستی ہے۔ اس وقت ملک کے تینوں صوبے ڈیم کی مخالفت کر رہی ہیں اس کے باوجود بھی وفاق مطلب پنجابستان اپنے ضد پر قائم اور ڈنڈے کے زور پر دہمکایاں دے کر سندھ کے عوام کو ڈرا کر ڈیم قائم کرنے کے لئے فنڈز جمع کر رہا ہے۔ جو عمل سندھ کا عوام وفاق کے ایسے خواب کو کبھی بھی پورا ہونا نہیں دیں گے۔ سندھ نیشنل پارٹی کے مرکز رہنماؤں نے مزید کہا کہ سندھ کا بچہ بچہ اور ہر سندھ پرست سندھ دوست اپنی گردن تو کٹوا سکتا ہے مگر وفاق کے سامنے گھٹنے نہیں ٹیکے گا۔ اور نہ ہی ڈیم کو قائم کرنے دے گا۔ وفاق کی اس میں بہتری ہے کہ وہ اپنی ضد ختم کرے اور تینوں صوبوں سے معافی مانگے اور آئندہ کے لئے ڈیم کا نام نہ لینے کی تردید کرے اس میں ہی ملک کی بہتری ہے۔ پارٹی کے مرکزی سینئر وائس چیئرمین رمضان بلیدی، وائس چیئرمین سائیں بخش بنگلانی، امیر کمبرانی، طارق خاصخیلی و دیگر نے کہا کہ سندھ کا عوام کالاباغ ڈیم سمیت کوئی بھی سندھ دشمن منصوبہ قبول نہیں کرے گا۔
