اسلام آباد (مانیٹرنگ ڈیسک) سعودی مشیر اطلاعات فہیم الحامد نے ایک پاکستانی نجی ٹی وی چینل سے گفتگو کرتے ہوئے کہا کہ تیس سال سے پاکستان کے ہر وزیراعظم کا انٹرویو کر رہا ہوں لیکن عمران خان جیسا بہادر اور اچھی سوچ والا آدمی نہیں دیکھا، انہوں نے کہا کہ عمران خان آؤٹ آف دی باکس سوچتے ہیں اور آؤٹ آف دی باکس جا کر بات کرتے ہیں،
اس موقع پر معروف صحافی صابر شاکر نے کہا کہ ماضی میں ہماری لیڈر شپ پریشر میں رہتی تھی، عمران خان کے اس دورہ سعودی عرب میں جب معاملات پر گفت و شنید کی گئی تو ترکی اور ایران کے ساتھ تعلقات بھی زیر بحث آئے، اس موقع پر عمران خان نے کہا کہ لڑائی جھگڑے کا کوئی فائدہ نہیں ہے بلکہ ہم مصلحت کا کردار ادا کر سکتے ہیں، ایک پل اور مفاہمت کا کردار ادا کر سکتے ہیں، پاکستان ایران اور ترکی کو سعودی عرب کے قریب لانے میں اہم کردار ادا کر سکتا ہے، اس قسم کی بھی گفتگو ہوئی ہے اس کے علاوہ یمن کے معاملے میں عمران خان نے کہا کہ ہم سے آپ تجربہ حاصل کریں، افغانستان اور پھر دہشت گردی کے خلاف جنگ تو الٹی میٹ جو رزلٹ ہے وہ یہ ہوتا ہے کہ پولیٹیکل ڈائیلاگ شروع کیا جاتا ہے تو آپ بھی اپنے اردگرد جو تنازعات ہیں ان کا حل سیاسی گفت و شنید سے نکالیں۔ سعودی مشیر اطلاعات فہیم الحامد نے عمران خان کے انٹرویو کے دوران بہادرانہ رویے کی تعریف کی اور کہا کہ ان جیسی سوچ والا پاکستان میں پہلے کوئی لیڈر نہیں دیکھا۔ سعودی مشیر اطلاعات فہیم الحامد نے کہا کہ عمران خان جیسا سادہ اور الگ سوچ والا شخص نہیں دیکھا میں ان سے انتہائی متاثر ہوں، نجی ٹی وی سے گفتگو کرتے ہوئے انہوں نے عمران خان کی تعریفوں کے پل باندھ دیے۔ سعودی مشیر اطلاعات فہیم الحامد نے ایک پاکستانی نجی ٹی وی چینل سے گفتگو کرتے ہوئے کہا کہ تیس سال سے پاکستان کے ہر وزیراعظم کا انٹرویو کر رہا ہوں لیکن عمران خان جیسا بہادر اور اچھی سوچ والا آدمی نہیں دیکھا
