ریاض(آن لائن) وفاقی وزیر اطلاعات و نشریات فواد چوہدری نے کہا ہے کہ عدالت اور نیب کے معاملات کا حکومت سے کوئی تعلق نہیں ہے، حکومت عدلیہ اور اسکے فیصلوں کا احترام کرتی ہے، حکومت قومی سرمایہ لوٹنے والوں کو قانون کے کٹہرے میں لانے کی ذمہ داری ادا کرتی رہے گی، بدھ کو نواز شریف سے متعلق اسلام آباد ہائیکورٹ کے فیصلے پر ردعمل دیتے ہوئے فواد چوہدری نے کہا کہ حکومت عدلیہ اور اسکے فیصلوں کا احترام کرتی ہے، اور عدالت کے ہر فیصلے پر عملدرآمد کیا جائے گا، عدالت اور نیب کے معاملات

کا حکومت سے کوئی تعلق نہیں ہے، نیب خود مختار ادارہ ہے اور قانون کے مطابق اپنے امور انجام دینے کا مجاز ہے، کلثوم نواز کی وفات پر ملزمان کو اسلامی اور اخلاقی روایات کی روشنی میں شہولیات فراہم کی گئیں، انہوں نے کہا کہ پاکستان کے عوام کا مفاد اور خواہش ہے کہ ملک سے بدعنوانی کا خاتمہ ہو حکومت عوامی خواہشات کی امین ہے، حکومت قومی سرمایہ لوٹنے والوں کو قانون کے کٹہرے میں لانے کی ذمہ داری ادا کرتی رہے گی، تحریک انصاف کی حکومت اداروں کی مضبوطی اور ان کی تقویت پر یقین رکھتی ہے۔

موضوعات:فواد چوہدری