اسلام آباد (نیوز ڈیسک) معروف صحافی حامد میر نے اسلام آباد ہائی کورٹ کے فیصلے کو آزاد عدلیہ کی نشانہ قرار دے دیا ہے، واضح رہے کہ 19 ستمبر جمعرات کے دن میاں نواز شریف، مریم نواز اور کیپٹن (ر) صفدر کی سزا معطل کرتے ہوئے اسلام آباد ہائی کورٹ نے ان کی رہائی کا حکم دیا، اس فیصلے پر سماجی رابطے کی ویب سائٹ ٹوئٹر پر معروف صحافی حامد میر نے اپنے پیغام میں لکھا کہ یہ ہے آزاد عدلیہ جس نے نواز شریف، مریم نواز اور کیپٹن (ر) صفدر کی رہائی کا حکم دیا۔ چند ماہ پہلے ایسے ہی معزز عدالت
نے خواجہ آصف کی نااہلی کو ختم کیا تھا۔ واضح رہے کہ سابق وزیراعظم میاں محمد نواز شریف، مریم نواز اور کیپٹن (ر) صفدر کو رہا کرنے کے لیے روبکار جیل انتظامیہ کو موصول ہو گئی ہے اور انہیں رہا کر دیا گیا ہے، ایک نجی ٹی وی چینل کی رپورٹ کے مطابق اڈیالہ جیل کے باہر سابق وزیراعظم میاں محمد نواز شریف، ان کی صاحبزادی مریم نواز اور کیپٹن(ر) صفدر کو ائیرپورٹ لے جانے کے لیے گاڑیاں پہنچا دی گئیں جہاں سے وہ بے نظیر انٹرنیشنل ائیرپورٹ پر لاہور روانہ ہونے کے لیے پہنچ چکے ہیں۔
