لاہور (نیوز ڈیسک) بیگم کلثوم نواز کو جاتی امراء میں سپرد خاک کر دیا گیا ہے، بیگم کلثوم نواز کے وفات پا جانے کے بعد ان کی نجی زندگی کے کچھ پہلو سامنے آ رہے ہیں جنہیں لوگ پہلے کم ہی جانتے تھے۔ واضح رہے کہ مرحوم بیگم کلثوم نواز لاہور میں 29مارچ 1950ء میں ایک کشمیری خاندان میں پیدا ہوئیں،
بیگم کلثوم نواز نے 1970ء میں اسلامیہ کالج لاہور سے بی اے کیا۔ اس کے علاوہ اردو شاعری میں جامعہ پنجاب سے انہوں نے ایم اے کیا، شادی کے بعد بھی کلثوم نواز نے تعلیمی سلسلہ جاری رکھا اور انہوں نے پنجاب یونیورسٹی سے فلاسفہ میں پی ایچ ڈی کی ڈگری حاصل کی۔ اس حوالے سے لیگی رہنما پرویز رشید نے بھی کلثوم نواز کی پی ایچ ڈی کی تصدیق کی اور کہا کہ کئی دفعہ حیرت ہوتی ہے کہ ریلیوں اور میڈیا سے گفتگو کے دوران نوازشریف کی غالب کی نظموں پر سپلی آ جاتی ہے مگر بیگم کلثوم نواز نے غالب پر پی ایچ ڈی کر رکھی تھی جو مسلسل انہیں شاعری سے متعلق بتاتی رہتیں۔ بیگم کلثوم نواز کی دو بہنیں اور ایک بھائی تھا، نوازشریف اور مرحومہ کی پسند کی شادی تھی، دونوں میاں بیوی نے آپس میں محبت اور وفاداری کی اعلیٰ مثال قائم کی جو رہتی دنیا تک یاد رکھی جائے گی، بیگمکلثوم نواز ن لیگ کی صدر بھی رہیں، کلثوم نواز مشہور زمانہ پہلوان گاما کی نواسی تھیں۔ ان کے چار بچے دو بیٹے حسن نواز، حسین نواز اور دو بیٹیاں مریم نواز اوراسما نواز ہیں۔ بیگم کلثوم نواز نے 1970ء میں اسلامیہ کالج لاہور سے بی اے کیا۔ اس کے علاوہ اردو شاعری میں جامعہ پنجاب سے انہوں نے ایم اے کیا، شادی کے بعد بھی کلثوم نواز نے تعلیمی سلسلہ جاری رکھا اور انہوں نے پنجاب یونیورسٹی سے فلاسفہ میں پی ایچ ڈی کی ڈگری حاصل کی۔
