پیرس( آن لائن )وزیر اعظم عمران خاں کی طر ف سے ڈیم فنڈ میں تارکین وطن کو ایک ہزار ڈالر جمع کروانے کا اپیل پر پاکستان مسلم لیگ ن فرانس کے جنرل سیکرٹری شیخ وسیم اکرم نے پہلے بنی گالہ کا گھر فنڈ دینے کا مطالبہ کر دیا ۔تفصیل کے مطابق وزیر اعظم پاکستان عمران خاں کی طر ف سے گزشتہ روز ڈیم بنانے کے لئے تارکین وطن سے اپیل کی گئی تھی کہ تمام تارکین وطن ڈیم فنڈ میں ایک ہزار ڈالر جمع کروائیں ۔
پاکستان مسلم لیگ ن فرانس کے جنر ل سیکرٹری شیخ وسیم اکرم نے شوشل میڈیا پر کے اپنے پیج پر پوسٹ لگائی ہے کہ اگر وزیر اعظم پاکستان عمران خاں بنی گالہ کا گھر ڈیم فنڈ میں دینے کا اعلان کرتے ہیں تو میں ایک لاکھ ڈالر ڈیم فنڈ میں جمع کرواوں گا ۔انھوں نے وزیر اعظم سے مطالبہ کیا کہ حکمران پہلے اپنے گھر سے شروع کریں تاکہ ڈیم فنڈ اکٹھے کرنے میں کسی قسم کی دشواری کا سامنا نہ کرنا پڑے ۔
