لاہور( این این آئی)وزیر اعظم عمران خان نے ڈیم فنڈ ریزنگ کیلئے رہنماؤں کوبیرون ملک بھیجنے کا فیصلہ کیا ہے، پہلے مرحلے میں سینیٹر فیصل جاوید امریکہ روانہ ہوں گے ۔ ذرائع کے حوالے سے بتایاگیا ہے کہ وزیر اعظم عمران خان نے ڈیم کی تعمیر میں مدد کیلئے ان کے پیغام کے بعد اوور سیز پاکستانیوں کے جذبے کو دیکھتے ہوئے پاکستان سے رہنماؤں کو بیرون ممالک بھجوانے کا

فیصلہ کیا ہے ۔ وزیر اعظم عمران خان کو آگاہ کیا گیا ہے کہ امریکی میں مقیم ایک پاکستانی ڈیم فنڈ کیلئے خطیر رقم دینے کا خواہشمند ہے ۔ سینیٹر فیصل جاوید امریکہ میں پاکستانی کیمونٹی سے ملاقاتیں کر کے ڈیم کی تعمیر کے حوالے سے منصوبے سے آگاہ کریں گے ۔ ذرائع کے مطابق پارٹی کے دیگر رہنماؤں کو بھی فنڈ ریزنگ کے لئے دوسرے ممالک روانہ کیا جائے گا۔