اسلام آباد(مانیٹرنگ ڈیسک)نجی ہسپتال میں دوران زچگی خاتون کی موت واقع ہونےکا افسوسناک واقعہ، چیف جسٹس نے پنجاب کی صوبائی وزیر صحت یاسمین راشد، سیکرٹری صحت، ہیلتھ کیئر کمیشن کے سربراہ کو طلب کر لیا۔ تفصیلات کے مطابق چیف جسٹس آف پاکستان جسٹس ثاقب نثار کی سربراہی میں سپریم کورٹ کے بنچ نے نجی ہسپتال میں دوران زچگی ڈاکٹرز کی غفلت کے باعث خاتون کی موت واقع ہونے پر درخواست کی سماعت کرتے ہوئے پنجاب کی صوبائی وزیر صحت یاسمین راشد،
سیکرٹری صحت، ہیلتھ کیئر کمیشن کے سربراہ کو طلب کر لیاہے۔ دوران سماعت چیف جسٹس نے ریمارکس دیتے ہوئے کہا ہے کہ معاملے پرخودکمیٹی قائم کرکے تحقیقات کرائوں گا،پرائیویٹ ہسپتال ہیوی چارجزلیتے ہیں آپ کوذراخیال نہیں۔ تندرست لڑکی کی نارمل ڈیلیوری ہوئی،ہسپتال جانے کے بعدفوت ہوگئی،ہم دوچار پرائیویٹ ہسپتالوں کے فرانزک آڈٹ کرائیں گے۔سپریم کورٹ نے وزیرصحت یاسمین راشد،سیکرٹری صحت،سربراہ ہیلتھ کیئرکمیشن، نجی ہسپتال کے مالک ڈاکٹر عامر کو طلب کر لیا۔
