لاہور(آئی این پی) مسلم لیگ ن کے صدر اور قومی اسمبلی میں اپوزیشن لیڈر شہباز شریف نے کہا ہے کہ احتساب کو انتقام بنا کر کسی کی سیاست ختم نہیں کی جاسکتی۔ مخالفت اوراحتجاج بڑا آسان کام ہے، کام کرنا اور نتائج دکھانا اصل کام ہے‘ مشکلات دبانے یا سلانے نہیں بلکہ جگانے کے لیے آتی ہیں۔ اپنے ایک انٹر ویو میں شہبازشر یف نے کہا کہ انشااللہ اچھا وقت آئے گا، ہمارا اور عوام کا رشتہ کوئی نہیں توڑ سکتا

ہم چاہتے ہیں کہ باشعور عوام کو سیاسی قوتوں اور انکی کارکردگی کا پتہ چلنا چاہیے۔ ہمیں فخر ہے کہ ہم نے عوام کے مینڈیٹ کے مطابق بہت کچھ کر کے دکھایان لیگ بطور اپوزیشن حکومت کی کارکردگی پر خوب نظر رکھے ہوئے ہے اور 100 دن کے بعد ان کی جانب سے ایک بڑی پریس کانفرنس کی جائے گی جس میں حکومت کی کارکردگی کے حوالے سے معلومات سامنے رکھی جائیں گی۔

موضوعات:شہباز شریف