پشاور(این این آئی) خیبرپختونخوا میں ضمنی الیکشن کیلئے کاغذات جمع کرانے کاسلسلہ مکمل ہوگیا ہے، صوبائی اسمبلی کی 9اورقومی اسمبلی1نشست کے لیے 158امیدواروں نے کاغزات جمع کرادیئے ہیں۔قومی اسمبلی نشست این اے 35بنوں پر12مرد اور 2خواتین امیدواروں نے کاغذات جمع کئے ۔پی کے 3سوات پر23امیدوار،پی کے 7 سوات پر 17امیدوار مدمقابل ہونگے۔
پی کے 44صوابی پر 14امیدوارونے کاغذات جمع کرائے۔پی کے 53مردان پر 27امیدواروں نے کاغزات جمع کرائے ۔پی کے 61نوشہرہ 12،پی کے 64نوشہرہ 8امیدواروں نے کاغزات جمع کرائے۔پی کے 78پشاور پر 18مرد اور 1 خاتون نے کاغزات جمع کرائے ۔پی کے 97ڈی آئی خان پر 9 جبکہ پی کے 99ڈی آئی خان پر 15امیدواروں نے کاغذات جمع کرائے ہیں۔
