لاہور (نیوز ڈیسک) وزیراعظم عمران خان کی اہلیہ بشریٰ عمران نے لاہور میں واقع دارالشفقت کا دورہ کیا اور بچوں کو میسر سہولیات اور دیگر انتظامی امور کا جائزہ لیا۔ خاتون اول کے ہمراہ ان کی قریبی سہیلی فرح خان بھی موجود تھیں ۔ خاتون اول بشریٰ عمران نے دارالشفقت میں بچوں کو میسر سہولیات اور دیگر انتظامی امور کا جائزہ بھی لیا۔بشریٰ عمران کا خاتون اول بننے کے بعد یہ پہلا دورہ تھا۔
دارالشفقت میں موجود ایک بچے کی بیماری کا سن کر انہوں نے بچے کے علاج پر اٹھنے والے تمام اخراجات بھی اپنے ذمہ لے لیے۔وزیراعظم کی اہلیہ نے دارالشفقت میں یتیم بچوں کے لیے کھانے کا اہتمام بھی کیا اور بچوں کے ساتھ بیٹھ کر خود بھی کھانا کھایا ۔اس موقع پر خاتون اول کا کہناتھا کہ یہ بچے ہمارے ملک کا سرمایہ اور ہماری ذمہ داری ہیں ،یہاں آکر ہمیشہ اچھا محسوس کرتی ہوں ۔
