لاڑکانہ(سی پی پی )چیئرمین پاکستان پیپلز پارٹی بلاول بھٹو زرداری کی جانب سے اپنے انتخابی حلقے کے مرد و خواتین پولنگ ایجنٹس کے اعزاز میں نوڈیرو ہاوس میں عشائیہ دیا گیا۔ اس موقع پر جیالے اپنے ہمراہ مختلف مسائل پر درخواستیں لائے جنہیں ردی سمجھ کر پھینک دیا گیا۔نجی ٹی وی کے مطابق تقریب کے دوران جیالے اپنے ہمراہ ملازمت سمیت دیگر مسائل پر مبنی درخواستیں ساتھ لائے ‘جنہیں گیٹ کے

باہر وصول کیا جاتا رہا اور کارکنان کی عدم موجودگی پر تمام درخواستوں کو گیٹ کے پاس ہی پھینک دیا گیا۔ تقریب کے اختتام پر جب کارکنان نوڈیرو ہاوس سے باہر نکلے تو اپنی درخواستوں کو قدموں کی زینت بنتا دیکھ کر مایوس ہو گئے اور اپنی درخواستیں ڈھونڈتے دکھائی دیئے۔کارکنان کا کہنا تھا کہ وہ پولنگ ایجنٹس اور جیالے ہیں‘ بلاول بھٹو کو دینے کے لیے درخواستیں لائے جنہیں ردی سمجھ کر پھینک دیا گیا۔

موضوعات:بلاول بھٹو