ملتان(آئی این پی) ملتان ریلوے اسٹیشن پر شوہرنے بچے کو گود میں اٹھانے کا کہنے پر بیوی کو تھپڑ رسیدکردیا۔تفصیلات کے مطابق ملتان ریلوے اسٹیشن پر بیوی نے اپنے شوہر کو بچے کو گود میں اٹھانے کا کہا جس پر شوہر سیخ پا ہو گیا اور بیوی کو تھپڑ دے مارا اور کہا کہ بچے کو گود میں اٹھانے کا کیوں کہا ؟ جس پر بیوی کی آہ و بکا پر مسافروں نے شوہر کی درگت بنادی ،پولیس نے تھپڑمارنے والے کو دھرلیا۔
بیوی نے بیان دیا کہ تھوڑی دیر بچوں کو اٹھانے کا کہا تو شوہر نے تھپڑ ماردیا ،شوہر نے پولیس کو بیان دیا کہ غصے میں آکر بیوی کو تھپڑ مارا تھا۔ریلوے پولیس کے مطابق شوہر نے بیوی کے پاؤں پر ہاتھ رکھ کر معافی مانگی ، جس پر بیوی نے اپنے شوہر کو معاف کردیا اور پولیس سے درخواست کی کہ اس کے شوہر کو چھوڑ دیا جائے، جس پر ریلوے پولیس نے بیوی کو تھپڑ مارنے والے شوہر کو رہا کر دیا۔
