کراچی(اے این این ) وزیراعظم عمران خان کی طرف سے سندھ کے لیے نامزد گورنر عمران اسماعیل کی تعلیمی قابلیت انٹر نکلی۔پاکستان تحریک انصاف کے رہنما عمران اسماعیل کو گورنر سندھ مقرر کردیا گیا ہے جس کا نوٹیفکیشن گزشتہ روز جاری کیا گیا۔عمران اسماعیل کے بطور گورنر سندھ حلف برداری کی تقریب 27 اگست کو گورنر ہاس کراچی میں ہونی ہے جہاں چیف جسٹس سندھ ہائی کورٹ ان سے حلف لیں گے۔حلف برداری کی تقریب سے قبل ہی عمران اسماعیل کی

تعلیمی قابلیت صرف بارہ جماعتیں پاس یعنی انٹر نے سب کو چونکا دیا ہے۔ گورنر جامعات کا چانسلر ہوتا ہے اور اسے جامعات کے وائس چانسلر تعینات کرنیکا اختیار ہوتا ہے جب کہ گورنر بطور چانسلر طلبہ کو ڈگریاں بھی ایوارڈ کرتا ہے۔سندھ کے نامزد گورنر عمران اسماعیل کی تعلیمی قابلیت انٹر ہے جس کے بعد اب انٹرپاس گورنر سندھ جامعات کے چانسلر ہوں گے۔عمران اسماعیل نے پی ایس 111 سے انتخابات میں حصہ لیا تھا اور کاغذات نامزدگی میں تعلیم انٹردرج کی ہے ۔