مردان(مانیٹرنگ ڈیسک)عید کے پر مسرت موقع پرافسوسناک واقعہ، مردان میں جانور قربان کرنے کے معاملے پر دو گروپوں میں مسلح تصادم کے نتیجے میں 6افراد جاں بحق ہو گئے ہیں۔ پولیس کے مطابق عید الاضحیٰ کی نماز کے بعد دو گروپوں میں جانور قربان کرنے کے معاملے پر تنازعہ ہوا۔دونوں گروپوں میں تلخ کلامی ہوئی جس کے بعد دونوں جانب سے

فائرنگ کا سلسلہ شروع ہوگیا جس میں 6 افراد جان سے ہاتھ دھو بیٹھے۔فائرنگ کے نتیجے میں قریب سے گزرتا ہوا ایک راہگیر بھی زخمی ہوگیا جسے طبی امداد کیلئے مقامی ہسپتال داخل کرا دیا گیا ہے۔بتایا جا رہا ہے کہ دونوں گروپوں میں دیرینہ عداوت تھی۔پولیس نے موقع پر پہنچ کر شواہد اکٹھے کر لئے جبکہ مقدمہ کا اندراج کر کے تفتیش کا آغاز کر دیا گیا ہے۔