اسلام آباد (نیوز ڈیسک) دیامیر بھاشا اور مہمند ڈیم کے لیے چیف جسٹس آف پاکستان ثاقب نثار کی جانب سے قائم کیے گئے فنڈ میں اب تک ایک ارب سے زائد رقم جمع ہو چکی ہے، ترجمان سپریم کورٹ کے اعلامیہ میں کہا گیا ہے کہ گزشتہ روز لاہور رجسٹری میں پنجاب کی میڈیکل یونیورسٹیز، میڈیکل انسٹی ٹیوٹس اور میڈیکل کالجزکے چانسلرزاور پرنسپلزکے وفد نے چیف جسٹس

میاں ثاقب نثار سے ملاقات کی اور ڈیمز فنڈ میں ایک کروڑ 69 لاکھ 43 ہزار 184روپے کا چیک پیش کیا۔ اس وفد نے چیف جسٹس پاکستان کو مستقبل میں بھی ڈیمز فنڈ کی تعمیر کے لیے فنڈز دینے کی یقین دہانی کرائی۔ ڈیمز کی تعمیر کے لیے سپریم کورٹ کی جانب سے قائم کیے گئے فنڈ میں اب تک ایک ارب 13 کروڑ 97 لاکھ 20 ہزار 855 روپے جمع ہو چکے ہیں۔