اسلام آباد(مانیٹرنگ ڈیسک)وفاقی وزیر اطلاعات و نشریات فواد چوہدری نے نواز شریف کے وزیراعظم ہائوس کے اخراجات اٹھانے اور چیک پیش کرنے کے دعوے کو غلط قرار دیتے ہوئے کہا کہ نواز شریف نے وزیراعظم ہائوس کے اخراجات اپنی جیب سے اٹھانے کے حوالے سے جو بات کی ہے وہ ان کا دعویٰ غلط ہے کیونکہ ان کے ٹیکس ریٹرن کو دیکھا جائے تو ان کے وزیراعظم ہائوس کے اخراجات اٹھانے کا دعویٰ غلط ثابت

ہوتا ہے کیونکہ انہوں نے اپنے ٹیکس گوشواروں میں جتنی آمدن ظاہر کی ہے وہ اس حوالے سے ظاہر کرتی ہے کہ ایسا ہونا ناممکن ہے۔ وزیراعظم ہائوس کے ماہانہ اخراجات اور نواز شریف کے دعوے کو دیکھا جائے تو اس میں بہت بڑا تضاد پایا جاتا ہے۔ فواد چوہدری کا کہنا تھا کہ اگر نواز شریف کی یہی خواہش ہے تو شریف خاندان 4سال کا وزیراعظم ہائوس کا خرچہ ادا کردے ہمیں اس پر کوئی اعتراض نہیں ہو گا۔