پشاور (مانیٹرنگ ڈیسک) تحریک انصاف کی قیادت نے خیبرپختونخوا میں حکومت سازی کے لیے مشاورت مکمل کر لی ہے، ایک نجی ٹی وی چینل کی رپورٹ کے مطابق عاطف خان، شہرام ترکئی سینئر وزیر ہوں گے، ڈپٹی سپیکر کا عہدہ ایک خاتون ایم پی اے کو دینے کا فیصلہ کیا گیا ہے۔ کے پی کے نامزد وزیراعلیٰ محمود خان نے نئی کابینہ کا چناؤ کر لیا ہے، تحریک انصاف کے چیئرمین عمران خان اور خیبرپختونخوا کے سینئر رہنماؤں کے درمیان خیبرپختونخوا
میں حکومت سازی کے بارے میں مشاورت مکمل ہو گئی ہے، پہلے مرحلے میں وزیراعلیٰ سمیت دس وزراء حلف اٹھائیں گے، واضح رہے کہ صوبائی کابینہ میں عاطف خان اور شہرام ترکئی سینئر وزیر ہوں گے، ان کے علاوہ دیگر متوقع وزراء مشتاق غنی، تیمور سلیم جھگڑا، سلطان محمد، اشتیاق ارمڑ، ضیاء اللہ بنگش، امجد علی، ملک قاسم اور ہمایوں خان ہیں۔ خیبرپختونخوا اسمبلی کا ڈپٹی سپیکر کا عہدہ ایک خاتون ایم پی اے کو دینے کا فیصلہ کیا گیا ہے۔
