اسلام آباد (مانیٹرنگ ڈیسک)نواز شریف کے اقتدار سے اترنے اور سزا ہونے کی حرف بہ حرف درست پیش گوئی کرنیوالے ماہر علم نجوم نے عمران خان کے دور اقتدار کے عرصے سے متعلق حیران کن پیش گوئی کردی۔ تفصیلات کے مطابق معروف ماہر علم نجوم ایم اے شہزاد خان نے عمران خان کے دور اقتدار کے عرصے کی پیش گوئی کرتے ہوئے کہا ہے کہ

عمران خان آئندہ 10 سال تک وزارت عظمیٰ کے عہدے پر تعینات رہیں گے۔ اس حوالے سے علم نجوم کی اصطلاح استعمال کرتے ہوئے اپنی فیس بک پوسٹ پر ایم اے شہزاد خان کا کہنا تھا کہ عمران خان کا زائچہ بتاتا ہے کہ وہ اس وقت ’’یوگی راج‘‘پوزیشن میں ہیں۔ واضح رہے کہ سنسکرت میں ’’یوگ‘‘سے مراد زمانہ اور ’’راج‘‘سے مراد اقتدار یا حکمرانی کے ہوتے ہیں۔ اور عمران خان کے علاوہ اس وقت پاکستان میں کسی شخص کا ستارہ اس پوزیشن میں نہیں۔ ایم اے شہزاد خان کا کہنا تھا کہ عمران خان کی قسمت اس وقت اس پوزیشن میں ہے جیسی ماضی میں شہباز شریف ، جنرل (ر) پرویز مشرف ، ضیاء الحق،،حامد کرزئی،، اوبامہ، جارج بُش،،منموہن سنگھ اور حسینہ واجد سمیت کئی عالمی لیڈروں کی رہ چکی ہے۔ خیال رہے کہ ایم اے شہزاد خان نے نواز شریف کے اقتدار سے اترنے اور سزا ہونے کی پیشگوئی کیساتھ شکوک و شبہات کےدور میں عام انتخابات 2018کے بروقت انعقاد کی بھی پیش گوئی کی تھی جو کہ حرف بہ حرف درست ثابت ہوئی ہیں۔یہاں یہ بات بھی نہایت قابل ذکر ہے کہ تحریک انصاف کی جیت اور عمران خان کے پاکستان کے متوقع وزیراعظم کے طور پر سامنے آنے کے بعد ان کے کئی سیاسی حریف اور سیاسی مبصرین ان کی جلد حکومت کے خاتمے کے دعوے کرتے نظر آرہے ہیں۔ ایسے میں ایم اے شہزاد خان کی پیش گوئی کیا درست ثابت ہوتی ہے یہ آنیوالا وقت ہی بتا پائے گا۔