کراچی (آئی این پی )متحدہ قومی موومنٹ پاکستان کے سینئر رہنما فاروق ستار نے کہا کہ میرا مشورہ ہے کہ ایم کیو ایم ارکان حکومتی اتحاد میں شامل ہونا ہے تو ہوجائیں مگر وزارتیں نہ لیں، مجھے بنی گالہ کیوں نہیں لے جایا گیا یہ سوال خالد مقبول سے پوچھیں۔ وہ اتوار کو نجی ٹی وی سے گفتگو کررہے تھے ۔ رہنما ایم کیو ایم فاروق ستار نے کہا کہ
بنی گالہ میں ملاقات کیلئے کیوں نہیں لے جایا گیا اس بات کا جواب میں نہیں دوں گا بلکہ گول کرجاؤں گا۔ یہ سوال خالد مقبول بھائی سے پوچھیں۔ میرا مشورہ ہے کہ ایم کیو ایم ارکان اسمبلی میں وزارتیں نہ لیں۔ یہ میرا ذاتی مشورہ ہے ، حکومتی اتحاد میں رہنا ہے تو رہیں مگر وزارتیں نہ لیں آگے ایم کیو ایم رہنماؤں کی اپنی مرضی ہے وہ جو مناسب سمجھیں وہی کریں۔
