پشاور (آ ئی این پی) جمیعت علما ئے اسلام (جے یو آئی (ف نے حالیہ الیکشن میں مبینہ دھاندلی کے خلاف صوبے بھر میں احتجاج کا اعلان کردیا، نجی ٹی وی کے مطا بق اتوار کو جمعیت علما اسلام (ف)کی مجلس شوری کا پشاور میں اجلاس ہوا جس میں جے یو آئی کے سربراہ مولانا فضل الرحمان نے خصوصی طور پر شرکت کی اور نومنتخب ارکان اسمبلی بھی شریک ہوئے۔اجلاس میں 8 اگست کو صوبے بھر میں اہم شاہراہوں پر دھرنا دینے کا
فیصلہ کیا گیا جو صبح سے شام تک جاری رہے گا۔ فیصلے کے مطابق جنوبی اضلاع میں انڈس ہائی وے کو مختلف مقامات پر بند کیا جائے گا، ملاکنڈ، صوابی اور سوات میں بھی دھرنے دیئے جائیں گے جب کہ پشاور میں موٹر وے اور پاک افغان شاہراہ پر بھی دھرنا دینے کا فیصلہ کیا گیا ہے۔جمعیت علما اسلام (ف)خیبر پختون خوا کے امیر مولانا گل نصیب کا کہنا ہے کہ احتجاج کے لیے دیگر اپوزیشن جماعتوں کو بھی شرکت کی دعوت دی جائے گی
