کراچی(آئی این پی) سابق چیئرمین سینیٹ میاں رضا ربانی نے کہا ہے کہ امریکا کے سیکرٹری آف اسٹیٹ کا آئی ایم ایف بیل آؤٹ پیکیج سے متعلق بیان اس بات کی غمازی کرتا ہے کہ بین الاقوامی مالیاتی ادارے سامراجی قوتوں کے آلہ کار بن چکے ہیں۔رضا ربانی نے کہا کہ ترقی پذیر ممالک بین الاقوامی مالیاتی اداروں سے معاشی بنیادوں پر قرضہ مانگتے

ہیں جن کی شرائط بھی معاشی و اقتصادی ہی ہوتی ہیں۔ ان کا مزید کہنا تھا کہ مالیاتی ادارے ترقی پذیر ممالک کو مالی امداد دیتے ہوئے ان کو اپنی خواہش کا پابند بناتے ہیں۔انہوں نے کہا کہ اگر منتظر حکومت آئی ایم ایف کے پاس جانے کا سوچ رہی ہے تو اسے فیصلہ کرنے سے پہلے پارلیمان کے دونوں ایوانوں میں اس مسئلے کو زیر بحث لانا چاہیے۔