لاہور (نیوز ڈیسک) پنجاب صاف پانی کمپنی سکینڈل میں سابق سی ای او وعدہ معاف گواہ بننے کو تیار ہو گئے، انہوں نے مہنگے ٹھیکے دینے کا ملبہ بھی شہبازشریف پرڈال دیا ، واضح رہے کہ احد چیمہ کے خلاف تحقیقات میں پیش رفت ہوئی ہے، اورنج لائن ٹرین، میٹرو بس منصوبوں سے متعلق اہم ریکارڈ بھی نیب کو مل گیا ہے، آڈٹ رپورٹس کا جائزہ لینے کے بعد کیس کو آگے بڑھایا جائے گا۔
ذرائع کا کہنا ہے کہ نیب نے جی ایم ماس ٹرانزٹ اتھارٹی کو ریکارڈ کے لیے خط لکھا تھا، احد چیمہ کے دور میں میٹرو بس لاہور کا منصوبہ مکمل ہوا، اورنج لائن پروجیکٹ میں بھی احد چیمہ نے اہم کردار ادا کیا۔ نیب نے میگا پروجیکٹس سے متعلق مصدقہ آڈٹ اعتراضات کے دستاویزی ثبوت حاصل کر لیے ہیں۔ یاد رہے کہ چیئرمین نیب نے اورنج لائن ٹرین منصوبے میں کیے گئے گھپلوں پر انکوائری کا حکم دیا تھا۔ذرائع کا کہنا ہے کہ پنجاب صاف پانی کمپنی سکینڈل میں سابق سی ای او وعدہ معاف گواہ بننے کو تیار ہو گئے، وسیم اجمل نے مہنگے ٹھیکے دینے کا ملبہ شہبازشریف پرڈال دیا۔ وسیم اجمل نے نیب کو دیے گئے اپنے ابتدائی بیان میں مہنگے ٹھیکے دینے کاملبہ شہبازشریف پر ڈالتے ہوئے کہا کہ سابق وزیراعلیٰ پنجاب کے کہنے پر لوکل کے بجائے انٹرنیشنل کمپنیوں کو ٹھیکے دیے گئے اور جو ٹھیکے دیے گئے ہیں وہ مہنگے دیے گئے۔ انہوں نے نیب کو ریکارڈ کرائے گئے بیان میں کہا کہ 4 افسران اور 2 بورڈ ممبرز نے بھی مداخلت کی۔ پنجاب صاف پانی کمپنی سکینڈل میں سابق سی ای او وعدہ معاف گواہ بننے کو تیار ہو گئے، انہوں نے مہنگے ٹھیکے دینے کا ملبہ بھی شہبازشریف پرڈال دیا ، واضح رہے کہ احد چیمہ کے خلاف تحقیقات میں پیش رفت ہوئی ہے، اورنج لائن ٹرین، میٹرو بس منصوبوں سے متعلق اہم ریکارڈ بھی نیب کو مل گیا ہے، آڈٹ رپورٹس کا جائزہ لینے کے بعد کیس کو آگے بڑھایا جائے گا۔
