لاہور(آئی این پی) (ن) لیگ کے صدر شہبا زشر یف کے خلاف صاف پانی کمپنی کا سابق اعلی افسر وعدہ معاف گواہ بننے کو تیار جبکہ چیئرمین نیب جسٹس (ر)جاوید اقبال سے ملاقات میں وعدہ معاف گواہ بنانے کی حتمی منظوری دی جائے گی۔میڈیا رپورٹس کے مطابق صاف پانی کمپنی کا سابق چیف ایگزیکٹیو آفیسر وسیم اجمل وعدہ معاف گواہ بننے کیلئے تیار ہوگیا ہے ذرائع کے مطابق نیب کی حراست میں موجود وسیم اجمل نے صاف پانی مقدمے میں مہنگے ٹھیکے دینے کا ملبہ بھی شہباز شریف پر ڈال دیا ہے
وسیم اجمل نے اپنے ابتدائی بیان ریکارڈ کروادیا ہے جس کے مطابق شہباز شریف کے احکامات پر مقامی کمپنیوں کے بجائے غیر ملکی کمپنیوں کو بلایا گیا اور مہنگے ٹھیکے دیئے گئے شہبازشریف کے علاوہ 4 افسران اور 2 بورڈ ممبران نے بھی صاف پانی فراہمی کے منصوبے میں مداخلت کی یہ بھی حکم دیا گیا کہ شہبازشریف کی میٹنگ سے قبل حمزہ شہباز کو ٹھیکوں سے متعلق بریفنگ دی جائے جبکہ چیئرمین نیب جسٹس (ر)جاوید اقبال سے ملاقات میں وعدہ معاف گواہ بنانے کی حتمی منظوری دی جائے گی۔
