اسلام آباد(آئی این پی)قومی اسمبلی اور پنجاب اسمبلی کی نشستوں پر آزاد حیثیت میں منتخب ہونے ارکان کی تحریک انصاف میں شمولیت کا سلسلہ جاری ہے،تحریک انصاف میں مزید 1رکن قومی اسمبلی اور2ارکان پنجاب اسمبلی نے شمولیت کا اعلان کر دیا۔تفصیلات کے مطابق تحریک انصاف کو آزاد منتخب اراکین قومی و صوبائی اسمبلی کی حمایت ملنے کا سلسلہ جاری ہے،این اے 190 سے رکن قومی اسمبلی محمد امجد فاروق تحریک انصاف

میں شامل ہو گئے ہیں جبکہ پی پی 288 سے رکن پنجاب اسمبلی محسن عطا کھوسہ اورپی پی 83 سے ملک غلام رسول سانگا بھی تحریک انصاف کا حصہ بن گئے ہیں۔تینوں اراکین کی بنی گالہ میں چیئرمین تحریک انصاف عمران خان سے ملاقات کی تحریک انصاف کے منشور اور قیادت پر مکمل اعتماد کا اظہارکیا۔چیئرمین تحریک انصاف عمران خان کی جانب سے تینوں رہنماوں کی پارٹی میں شمولیت کا خیر مقدم کیا گیا۔