پشاور (این این آئی) ضلع خیبر میں پاک افغان شاہراہ پر خاصہ دار فورسز کے اہلکاروں کی جانب سے پاکستان تحریک انصاف کے کامیاب امیدوار نورالحق قادری کے استقبال میں ہوائی فائرنگ کی گئی۔ نجی ٹی وی کے مطابق عام انتخابات میں قومی اسمبلی کے حلقہ این اے ۔ 43 خیبر سے کامیاب ہونے والے نورالحق قادری
جیسے ہی اپنے علاقے میں لوگوں کا شکریہ ادا کرنے آئے تو اہلکاروں نے ہوائی فائرنگ شروع کردی۔واقعہ کی ویڈیو میں خاصہ دار فورس کے علاوہ عام افراد کو بھی فائرنگ کرتے ہوئے دیکھا جاسکتا ہے۔اس موقع پر پی ٹی آئی امیدوار بھی اپنی گاڑی سے باہر آگے اور لوگوں کو گلے بھی لگایا۔
