پشاور (مانیٹرنگ ڈیسک) پاکستان پیپلز پارٹی کی خیبرپختونخوا خواتین ونگ کی صوبائی صدر نگہت اورکزئی کو موبائل پر افغانستان کے نمبروں سے دھمکی آمیز ٹیلی فون کالز موصول ہوئی ہیں۔ نگہت اورکزئی نے میڈیا سے گفتگو کرتے ہوئے بتایا کہ طالبان فون کرکے برملا کہہ رہے ہیں کہ ہمیں صرف عمران خان ہی پاکستان کا وزیر اعظم چاہیے، انہوں نے کہا کہ طالبان

نے ہمیں انتخابی مہم سے دور کھنے کے لیے ہدایات دی ہیں کہ آپ لوگ انتخابی مہم کے حوالے سے سوشل میڈیا پر پوسٹیں شیئر نہ کریں، نگہت اورکزئی نے کہا کہ ہم نے اس حوالے سے چیف کیپیٹل پولیس پشاور کو آگاہ کر دیا ہے، انہوں نے کہا کہ یہی قوتیں پی پی پی کو انتخابی مہم سے باہر کرنا چاہتی ہیں اور ایک سیاسی جماعت کے لیے راہ ہموار کر رہی ہیں۔

موضوعات:صوبائی صدر نگہت اورکزئی