بہاولپور(مانیٹرنگ ڈیسک)بہاولپور میں آل پاکستان مسلم لیگ کی رہنما شازیہ نورین نے ارب پتی امیدواروں کے مقابلے میں اپنی انتخابی مہم کا آغاز رکشے سے شر وع کر دی اس حوالے خاتون امیدوار کا کہنا ہے کہ میں نے کسی پر رعب نہیں ڈالنا نہ ہی میں بڑی گاڑیاں افورڈ کرسکتی ہوں۔حلقہ این اے 170 کی امیدوار کے عوامی انداز پر شہری بھی بہت خوش ہیں۔
جن کا کہنا ہے کہ یہ دیکھ کربہت اچھا لگتا ہے کہ عوامی نمائندہ کسی لینڈ کروزر نہیں بلکہ پبلک ٹرانسپورٹ میں سفر کر کے ہمارے پاس آیا۔شازیہ نورین کوحلقے میں مختلف جگہوں پر رکشے میں لے کرجانے والے بزرگ ڈرائیور کا کہنا ہے کہ جب تک انہیں ضرورت ہے ، کسی بھی مہم پر جانے کیلئے میں ان کے ساتھ ہوں۔انتخابی ہار جیت کا فیصلہ تو25 جولائی کو ہوگا لیکن خاتون امیدوارکی الیکشن مہم کی پزیرائی دیکھ کر لگتا ہے کہ انہوں نے لوگوں کے دل ضرور جیت لیے ہیں۔
