اسلام آباد(مانیٹرنگ ڈیسک) پیپلزپارٹی کے شریک چیئرمین آصف علی زردای کا کہنا ہے کہ جو شہید بے نظیر بھٹو سے ڈرتے تھے وہ آج بلاول سے خائف ہیں۔لیاری میں بلاول بھٹو زرداری کے قافلے پر پتھرا ؤکے واقعے پر رد عمل میں آصف زرداری نے پارٹی کارکنان کو تلقین کی کہ جیالے صبر کا دامن ہاتھوں سے نہ چھوڑیں، جو صبر کا دامن سنبھال کر رکھتے ہیں ان کا نشانہ خطا نہیں ہوتا۔انہوں نے کہا کہ بلاول بھٹو زرداری نے قائد عوام کا پرچمسنبھال لیا ہے۔
اللہ اور عوام بلاول بھٹو کی حفاظت کریں گے۔پیپلزپارٹی کے شریک چیئرمین کا کہنا تھا کہ جو شہید بے نظیر بھٹو سے ڈرتے تھے وہ آج بلاول سے خائف ہیں لیکن لیاری سے ثابت کیا کہ وہ آج بھی بھٹو کا ہے۔یاد رہے اتوار کے روز پیپلز پارٹی کے چیئرمین بلاول بھٹو زرداری کو انتخابی مہم کے افتتاح پر اپنے ہی گڑھ لیاری میں پتھراؤ کا سامنا کرنا پڑا جس سے 6 افراد زخمی ہوئے، پولیس صورتحال کنٹرول کرنے میں ناکام رہی۔
