صوابی(این این آئی)ضلع صوابی کی سیاست میں ایک اور اپ سیٹ ،سابقہ صوبائی وزیر تعلیم و ایم پی اے معراج ہمایون بی بی نے سینکڑوں ساتھیوں سمیت پاکستان مسلم لیگ ن میں شمولیت کا اعلان کردیا تفصیلات کیمطابق پاکستان مسلم لیگ ن ضلع صوابی کے صدر شیراز خان کی قیادت میں ایک جرگہ جس میں این اے 18کے امیدوار حاجی سجاد خان،پی کے 44کے امیدوار باربر سلیم ،

تحصیل ٹوپی کے صدر یاسر زمان،ضلعی ایڈیشنل سیکرٹرری اسرار خان ایڈوکیٹ ،تحصیل صوابی کے ناظم واحد شاہ اور دیگر پارٹی رہنمائوں نے جھنڈا صوابی میں معراج ہمایون کی رہائشگاہ پر ان کو مسلم لیگ ن میں باقاعدہ شمولیت کی دعوت دی جنہوں نے کارکنوں کی مشاورت سے دعوت قبول کرتے ہوئے پاکستان مسلم لیگ ن میں غیر مشروط سینکڑوں ساتھیوں اور گروپ سمیت شمولیت کا اعلان کیا اور کہا کہ اس وقت پوری قوم کو مسلم لیگ ن کی ضرورت ہے موجودہ بحرانوں سے پاکستان مسلم لیگ ن ہی ملک کو نکالے گی اور تعمیر وترقی کی راہ پر گامزن کریگی انہوں نے کہا کہ سابقہ وزیر اعظم میاں نواز شریف نے قوم کو ترقی کی راہ پر گامزن کیا ملک کو ایٹمی قوت بنایا ،موٹرویز ،سی پیک سے پاکستان کی تقدیر بدل دی اور ملک میں بجلی کی سنگین بحران پر قابو پا کر ساڑھے دس ہزار میگاواٹ بجلی پیدا کر کے پاکستان کو روشن کیا اب وقت کا تقاضا ہے کہ ہم سب مسلم لیگ ن کے مرکزی صدر میاں شہباز شریف ،صوبائی صدر انجینئر امیر مقام کے ہاتھ مضبوط کریں اس موقع پر پاکستان مسلم لیگ ن کے صدر حاجی شیراز خان نے سابقہ صوبائی وزیر معراج ہمایون بی بی کی شمولیت کو ضلع صوابی کیلئے ایک نیک شگون قرار دیا اور کہا کہ معراج ہمایون بی بی کی خدمات کسی سے چھپی نہیں خصوصاً اس نے خواتین کی حقوق کیلئے دن رات کام کر کے ان کو اپنے حقوق دلوائے

مسلم لیگ کا انتخاب کر کے وہ زندگی بھر خوش رہے گی کیونکہ مسلم لیگ ن ایک ایسی جماعت ہے جہاں خواتین کو عزت دی جاتی ہیں آج خاتون بی بی کی شمولیت سے ضلع صوابی میں مسلم لیگ ن ایک مضبوط قوت بن جائیگی اور پوری کابینہ ان کو مبارکباد دیتی ہے انہوں نے کہا کہ مسلم لیگ ن ایک مضبوط قوت ہے اور آئندہ انتخابات میں کلین سویپ کریگی اس موقع پر این اے 18کے امیدوار حاجی سجاد خان اور پی کے44کے امیدوار بابر سلیم نے معراج ہمایون نے پاکستان مسلم لیگ ن میں شمولیت کا خیر مقدم کیا اور ساتھ ہی کہا کہ مسلم لیگ ضلع صوابی سے کلین سویپ کرے گی-