اسلام آباد (نیوز ڈیسک)عام انتخابات 2018 کیلئے بیلٹ پیپرز کی چھپائی کا عمل فوج کی نگرانی میں شروع کردیا گیا ، انتخابات میں21کروڑ سے زائد بیلٹ پیپرز چھاپے جائیں گے، ملکی تاریخ کا مہنگا ترین بیلٹ پیپر تیار کیا جائیگا ۔تفصیلات کے مطابقبیلٹ پیپرز ملک کے 3 پرنٹنگ پریس میں چھاپے جا رہے ہیں۔ کسی نجی ادارے کو بیلٹ پیپر چھاپنے کی اجازت نہیں۔ رواں سال ہونے والے عام انتخابات میں ملکی تاریخ

کا مہنگا ترین بیلٹ پیپر تیار کیا جائیگا۔ ایک بیلٹ پیپر کی قمیت 10روپے تک ہے۔ یہ بیلٹ پیپرزملک کے تین پرنٹنگ پریس میں چھاپے جا رہے ہیں۔ملکی تاریخ میں پہلی بار واٹر مارک والے بیلٹ پیپرزشائع کیے جا رہے ہیں جن کی چھپائی کا عمل اسلام آباد میں پاک فوج کی نگرانی میں شروع کر دیاگیا ہے۔ قومی اسمبلی کے لیے سبز بیلٹ پیپرز، جبکہ صوبائی اسمبلی کے لیے سفید بیلٹ پیپرز شائع کیے جائیں گے۔