لاہور(مانیٹرنگ ڈیسک)معروف صحافی خاور گھمن نے سابق وزیراعظم میاں نواز شریف کی 10جولائی کو وطن واپسی سے متعلق بڑا انکشاف کر دیا ۔ خبر کی تفصیلات کے مطابق پاکستانی نامور صحافی خاور گھمن نے نجی ٹی وی کے ایک پروگرام میں گفتگو کرتے ہوئے کہا ہے کہ میرے پاس ایک خبر آئی جو ن لیگ کے انتہائی ٹاپ کے ’’سورس ‘‘نے بتائی ۔ ذرائع کے مطابق اگر میاں نواز شریف 10جولائی سے قبل پاکستان واپس نہیں آتے

تو سمجھ لیں کہ کسی خفیہ کار گاہ کے اندر نواز شریف کی ڈیل طے ہو چکی ہے ۔ اورسابق وزیراعظم کے کسی نہ کسی حد تک معاملات طے ہو چکے ہیں ۔ شہباز شریف کی اداروں سے متعلق پیار محبت کی باتوں سے صاف ظاہر ہوتا ہے کہ اندرون خانہ کوئی ڈیل طے ہو چکی ہے ۔ واضح رہے اس سے قبل معروف اینکر پرسن ارشد شریف نے اپنے ایک ٹویٹر پیغام میں نواز شریف کی اسٹیبلشمنٹ کے ساتھ ڈیل ہونے کا اشارہ دیا تھا۔ارشد شریف نے اپنے پیغام میں کہا تھا کہ نواز شریف کی لندن روانگی کسی ڈیل سے منسوب ہے جس کے تحت انہیں بیرون ملک فرار ہونے کی اجازت دی گئی ۔