اسلام آباد (مانیٹرنگ ڈیسک)معروف اینکر پرسن عامر لیاقت نے مریم نواز کو پنسل کا نشان الاٹ ہونے پر دلچسپ تبصرہ کیا ہے ۔ خبر کی تفصیلات کے مطابق پاکستان مسلم لیگ ن کی رہنما مریم نواز این 125سے آزاد حیثیت سے الیکشن لڑیں گی ۔ الیکشن کمیشن آف پاکستان نے مریم نواز کو انتخابی نشان پنسل الاٹ کیا تھا ۔ پاکستان تحریک انصاف کے رہنما عامر لیاقت نے سوشل میڈیا کی ویب سائٹ ٹویٹر پر مریم نواز کو پنسل کا

نشان الاٹ ہونے پر دلچسپ تبصرہ کرتے ہوئے کہا ہے کہ یہ نشان انہیں قدرت نے الاٹ کروایاہے تاکہ آئندہ ٹرسٹ ڈیڈ پنسل سے لکھیں #CalibriFont سے نہیں تا کہ فراڈ مٹا سکیں کاغذوں میں کہیں رہ نہ جائے۔واضح رہے کہ پاکستان مسلم لیگ ن کی رہنما اور سابق وزیراعظم میاں نوا زشریف کی صاحبزادی مریم نواز نے این اے 125سے آزاد حیثیت سے الیکشن لڑنے کا اعلان کیا ہے ۔ دوسری طرف پاکستان مسلم لیگ ن نے مریم نواز کو این اے 127سے ٹکٹ جاری کیا ہے جہاں سے الیکشن میں حصہ لیں گی ۔ مریم نواز کے این اے 125سے کاغذات نامزدگی واپس نہیں لے سکیں جس کی بنا پر انہیں الیکشن کمیشن نے انتخابی نشان الاٹ کیا ۔ مریم نواز کوالیکشن کمیشن نے پینسل کا انتخابی نشان الاٹ کیا گیا ہے۔