سرگودھا(مانیٹرنگ ڈیسک) پولیس کی خصوصی ٹیم کو چک 11شمالی میں گھر کے پانچ افراد کے قتل کا سراغ مل گیا۔ واردات غیرت کے نام پر ہوئی ہے۔جس میں مقتول کے بھتجے ملوث ہیں۔تھانہ صدر بھلوال پولیس نے مقتولہ ثناء کے مبینہ شوہر کے بعد تفتیش میں مقتول طفیل کے دو بھتیجوں دانش اور اشتیاق کو گرفتار کر لیا۔

جن سیکیس حل ہو گیا۔زرائع کے مطابق پولیس تھانہ صدر بھلوال نے گھر میں فائرنگ سے ظفیل اس کی بیوی مجیداں 3 بچوں کاشف ،ثمر اور ثناء قتل پرقتل اقدام قتل اور دہشت گردی کی دفعات کے تحت درج مقدمہ میں ملوث مقتولہ ثناء کے مبینہ شوہر عامر کو اٹک سے گرفتار کر کے تھانہ میں تفتیش کے دوران بعض شواہد کی روشنی میں واردات کے بعد روپوش مقتول طفیل کے 2 بھتجوں کو گرفتار کر لیا۔ جن کے بارے معلوم ہوا کہ دانش نے بھائی اشتیاق سے مل کر اپنے چچاطفیل اور اس کے اہل خانہ کو غیر ت کے نام پرقتل کیا۔ جن کو رنج تھا کہ ثناء عامر کے ساتھ گھر سے بھاگ کرشادی بھی کر لی۔ جس میں اس نے اپنیچچا اور کزنوں کو کئی بار ثناء کو مارنے کا کہا انکی طرف سے کچھ نہیں کرنے پر یہ سانحہ ہوا ۔ جن کا کہنا ہے کہ ثناء نے گھر سے بھاگ کر شادی کی اور واپس گھر لا کر چچا طفیل اپنی بیٹی کو بچا رہا تھا۔ جس سیگاوں کے لوگوں کے سامنے پورے خاندان کی بے عزتی ہوئی۔ واردات کے بعد پولیس حکام نے خصوصی ٹمیں تشکیل دیں جن کو دوران تفتیش معلوم ہوا کہ مقتول کے بھتجے اشتیاق اور دانش وردات کے بعد سے غائب ہیں ۔جن کو فیصل آباد سے گرفتار کر کے بھلوال لایا گیا۔ پولیس کی تفتیشی ٹیم نے واقعہ کو ٹریس کر کے حقائق کے بارے حکام کو اگاہ کر دیا۔ تفتیشی پولیس ٹیم تمام حالات واقعات کوصیغہ راز میں رکھے ھوئے ھیں۔جن کو پولیس کے ضلعی حکام پریس کانفرنس میں سامنے لائیں گے۔