ٹھٹھہ(مانیٹرنگ ڈیسک) عام انتخابات 2018 میں حصہ لینے کیلئے8 سال قبل انتقال کر جانے والا شخص حاجی ذاکر حسین کلاتری دوبارہ زندہ ہوگیا۔میڈیا رپورٹ کے مطابق حاجی ذاکر نے120 گز کا پلاٹ جعلی دستاویزات پر فروخت کیا تھا۔ وہ کراچی کے تھانہ نارتھ ناظم آباد میں درج فراڈ کے مقدمے میں ملوث تھا۔ جس سے جان چھڑانے کے لیے اس نے اثر و رسوخ استعمال کر کے ضلع ٹھٹھہ کی تحصیل میرپور بٹھورو کی یونین کونسل دریا خان سوہو سے فوتی سرٹیفکیٹ جاری کرایا۔

جس کی بنیاد پراس کی مقدمے سے جان چھوٹی۔میڈیا نے حاجی ذاکرحسین کلاتری کے انتقال کے حوالے سے جاری سرٹیفکیٹ کی کاپی بھی حاصل کر لی جس میں واضح طور پر انتقال کر جانے والے کے کالم میں حاجی ذاکرحسین کلاتری کا نام اور شناختی کارڈ نمبر دیکھا گیاسرٹیفکیٹ میں اس کے انتقال کی تصدیق کرنے والے دو گواہان کے نام بھی تحریر ہیں۔ حاجی ذاکر عام انتخابات میں پی ایس 78سے آزاد امیدوار بھی ہے۔

موضوعات:الیکشن