پشاور(نیوز ڈیسک) پیپلز پارٹی خیبرپختونخوا کے رہنماء ضیاء اللہ آفریدی نے این اے اکتیس سے دستبرداری کا اعلان کردیا ،این اے اکتیس کا ٹکٹ پارٹی میں نئے شامل ہونے والے عرفان اللہ شاہ کو دیا جائیگا ۔پشاور پریس کلب میں نیوز کانفرنس سے خطاب میں پیپلز پارٹی کے ضیاء اللہ آفریدی نے پشاور میں قومی اسمبلی کے حلقے این اے اکتیس سے دستبرداری کا اعلان کیا ۔ان کا کہنا تھا کہ پارٹی
میں نئی شمولیت اختیارکرنے والے کارکن عرفان اللہ شاہ کے حق میں دستبرداری کا فیصلہ کیا،ضیاء اللہ آفریدی کا کہنا تھا کہ فیصلے سے متعلق پارٹی کے رہنماؤں کو آگاہ کردیا ہے،صوبائی اسمبلی کے حلقہ پی کے چھہتر سے الیکشن میں حصہ لوں گا،اس موقع پر تحریک انصاف کے ریجنل سینئر نائب صدر عرفان اللہ شاہ نے پی ٹی آئی سے ٹکٹ نہ ملنے پر پیپلز پارٹی میں شمولیت کا اعلان بھی کیا۔
