لاہور(مانیٹرنگ ڈیسک)حمزہ شہباز کے اثاثوں کی تفصیلات بھی منظر عام پر آ گئیں جس کے مطابق حمزہ شہباز کا 43 لاکھ 70 ہزار روپے بینک بیلنس ہے اور وہ 21 ملزمیں شیئرہولڈرہیں۔حمزہ شہباز نے اپنے اثاثوں میں دو بیویوں کا بھی ذکر کیا ہے جن میں ایک اہلیہ رابعہ شہباز اوردوسری کانام مہرالنساہے۔
حمزہ شہبا ز 155 کنال اراضی کے مالک ہیں اور ان کے نام پر کوئی ذاتی گاڑی نہیں ہے یاد رہے کہ عائشہ احد کو بھی ماضی میں حمزہ شہبا ز کی بیوی قرار دیا جاتا رہا ہے لیکن ان کے ظاہر کردہ اثاثوں میں عائشہ احد کا کوئی ذکر نہیں۔چند روز قبل ہی چیف جسٹس نے دونوں کے درمیان راضی نامہ کرایا تھا۔اس سے پہلے سعد رفیق نے بھی اپنے کاغذات نامزدگی میں دو شادیوں کا اعتراف کیا تھا۔
