اسلام آباد(مانیٹرنگ ڈیسک)سکھ سماجی رہنما چرن جیت سنگھ کا قاتل گرفتار، تہلکہ خیز انکشافات ، ساتھیوں کے نام اگل دئیے۔ تفصیلات کے مطابق محکمہ انسداد دہشتگردی نے 29مئی کو کوہاٹ روڈ پشاور میں قتل ہونے والے سکھ سماجی رہنما چرن جیت سنگھ کا قاتل گرفتارکر لیا ہے۔خفیہ اطلاع پر جمعرات کے روز محکمہ انسداد

دہشتگردی نے کوہاٹ روڈ کے علاقے غلہ منڈی میں کارروائی کرتے ہوئے شہریار نامی ٹارگٹ کلر کو گرفتار کیا ہے جس نے اعتراف جرم کرلیا ہے اور دوران تفتیش اس قتل میں ملوث اپنے دیگر ساتھیوں کے نام بھی اگل دیئے ہیں جن کی گرفتاری کیلئے چھاپہ مار ٹیمیں تشکیل دے دی گئی ہیں جبکہ ملزم سے مزید تفتیش جاری ہے ۔

موضوعات:ٹارگٹ کلر شہریار چرن جیت سنگھ محکمہ انسداد دہشتگردی