اسلام آباد(مانیٹرنگ ڈیسک)نگران حکومت نے وزارت خزانہ کو اورنج لائن ٹرین کیلئے مزید فنڈزجاری کرنے سے روک دیا۔ تفصیلات کے مطابق نگران حکومت نے وزارت خزانہ کو اورنج لائن ٹرین کیلئے مزید فنڈز جاری کرنے سے روک دیا ہے۔ اس حوالے سے وزیر خزانہ ضیا حیدر رضوی کا کہنا ہے کہ اورنج لائن ٹرین کیلئے مزید فنڈز آنے والی منتخب حکومت جاری کرے گی نگران حکومت انتخابی اخراجات کیلئے صرف فنڈز جاری کرے گی۔ واضح رہے کہ اس سے قبل پنجاب میں سرکاری ملازمین کو

عیدالفطر کے موقع پر ایڈوانس تنخواہ کے حوالے سے بھی بازگشت سنی جا رہی تھی تاہم نگران حکومت نے اس حوالے سے وزارت خزانہ کو ایڈوانس حکم جاری نہ کرنے کا حکم دیا تھا جس کی وجہ معاشی بحران اور قانون بتایا جا رہا ہے کیونکہ اگر عید 20تاریخ کے بعد ہوتی تو قانون کے مطابق حکومت ملازمین کو فنڈز جاری کرنے کی پابند ہے جبکہ اس مرتبہ عید 20تاریخ سے پہلے ہو رہی ہے لہٰذا حکومت نے معمول کے مطابق اگلے ماہ کی تنخواہ اس کے وقت پر ادا کرنے کے احکامات جاری کئے ہیں۔