لاہور (مانیٹرنگ ڈیسک) ریحام خان کی کتاب کی اشاعت کا اعلان ہوتے ہی سوشل میڈیا پر طوفان مچ گیا ہے ، انکشافات ، تبصروں اور دعوئوں کا سلسلہ جاری ہے ۔ کپتان کے سابقہ اہلیہ نے کتاب میں ممکنہ طور پر چیئرمین تحریک انصاف عمران خان پر سنگین الزامات لگائے گئے جس نے پی ٹی آئی رہنمائوں اور کارکنان کو شدید اشتعال دلا دیا ہے اور سوشل میڈیا پر ایک جنگ جاری ہے جس میں وہ اپنے غصے کا اظہار کر تہے ہیں ۔
تحریک انصاف کے رہنما اور عمران خان کے قریبی ساتھی عون چوہدری نے ریحام خان کے بارے میں انکشاف کرتے ہوئے کہا ہے کہ ریحام خان ایک لالچی خاتون ہیں وہ پیسے کیلئے کچھ بھی کر سکتی ہیں۔ انہوں نے ریحام خان کو علیم خان سے ایک کروڑ روپے طلب کر تے ہوئے دیکھا ہے۔ عون چوہدری کا کہنا تھا کہ ریحام خان کی کتاب میں عمران خان کی ذات پر جو الزامات لگائے گئے ہیں جو گندگی پھیلائی گئی ہے ۔ میں لگتا ہے کہ اب خاموشی کو توڑ دینا چاہیے اور ریحام کی مکاریاں اور فریب کاریاں عوام کے سامنے لانے کا وقت آگیا ہے جنہوں میں نے خود اپنی آنکھوں سے دیکھا ، ان کا کہنا تھا کہ ریحام خان پیسے اور طاقت کیلئے اس کی پیاس نہ بجھنے والی تھی اور وہ یہ دونوں چیزیں حاصل کرنے کیلئے بہت جلدی کر رہی تھی۔ میں نے اسے علیم خان سے اپنی فلم کیلئے ایک کروڑ روپے مانگتے ہوئے خود دیکھا۔عون چوہدری نے انکشاف کیا ہے کہ ریحام خان نے اپنی فلم کیلئے ہمارے ایک پارلیمنٹیرین سے رابطہ کر کے ا لاکھوں روپے کا فرنیچر ادھار لیا لیکن وہ کبھی واپس نہیں کیا گیا! بلکہ غائب ہو گیا ہے۔ رہنما تحریک انصاف نے کا مزید کہنا تھا کہ میں یہ صرف یہ بات پتہ کرنے کیلئے کراچی گیا کہ ریحام نے پیسے مانگنے کیلئے شوکت خانم میموریل ہسپتال کے ڈونر سے ملاقات کی ،جن کا شمار بہت بڑی کاروبائی شخصیات میں ہو تا ہے ۔ وہ خیبر پختونخواہ حکومت کے معاملات میں برائے
راست مداخلت کرتیں تھیں اور وزیراعلی سمیت دیگر وزیروں کو حکم دیتے تھیں ، ریحام نے میری آنکھوں کے سامنے سیف پراجیکٹ سٹی کیلئے ایک غیر ملکی کمپنی سے ڈیل کرنے کی کوشش کی اور 20لاکھ ڈالر کمیشن طلب کیا ۔ رہنما تحریک انصاف عون چوہدری کا کہنا تھا کہ یہ وہ وقت تھا جب میں سب کچھ عمران خان کو بتانے پر مجبور ہواکہ وہ کیا کچھ کرنا چاہ رہی ہے۔ انہوں نے فوراً ریحام خان کی تمام سکیموں کو روک دیا۔ جس نے کپتان کے سابق اہلیہ کو شدید مشتعل کر دیا تھا ۔
