جڑانوالہ (آ ئی این پی ) جڑانوالہ چیئرمین میونسپل بلدیہ کی جانب سے دیئے گئے افطار ڈنر میں 2ن لیگی گروپوں میں تصادم ، مکوں ، گھونسوں ، لاتوں کا آ زادانہ استعمال ۔ تفصیلات کے مطابق معاون خصوصی وزیراعلیٰ پنجاب و ایم پی اے رائے حیدر علی خاں کھرل کے بھائی چیئرمین میونسپل بلدیہ رائے بابر کھرل نے افطار ڈنر کے اہتمام کیا جس میں وزیر مملکت برائے داخلہ طلال چوہدری ، رائے حیدرعلی کھرل سمیت سینکڑوں مسلم لیگی کارکنوں ے شرکت کی افطار ڈنر میں افطاری شروع ہوتے ہی 2ن لیگی گروپوں
کے مابین تصادم سے میونسپل بلدیہ کا گراؤ نڈ میدان جنگ بن گیا۔ دونوں گروپوں کے کارکنوں نے مکوں ، گھونسوں اور لاتوں کا آزادانہ استعمال کیا جس کے نتیجہ میں مبینہ طو ر پر 4کارکنان معمولی زخمی ہوئے اور لا کھوں روپے کی لا گت سے تعمیر ہونے والے میو نسپل بلدیہ گراؤنڈ کو بھی نقصان پہنچا ۔ ذرائع کے مطابق ن لیگی گروپوں کے مابین تصادم شروع ہونے پر وزیر مملکت طلا ل چو ہدری و دیگر اہم رہنماؤں کو بھی افراتفری کا سامناکرنا پڑ گیا اور وہ فوری طور پرتقریب ادھوری چھوڑ کر چلے گئے۔
