پشاور(این این آئی)خیبر پختونخوا کی اپوزیشن وزیر اعلی پرویز خٹک کے خلاف متحد،وزیر اعلیٰ پرویزخٹک کے پاس اکثریت نہیں رہی،گورنر خیبرپختونخوا کی جانب سے بڑا اقدام کسی بھی وقت متوقع،تفصیلات کے مطابق خیبر پختون خوا کی اپوزیشن وزیر اعلی پرویز خٹک کے خلاف متحد ہوگئی۔ پیپلزپارٹی،جے یو آئی اور باغی اراکان نے گورنر کو خط لکھ دیا۔وزیراعلیٰ پرویز خٹک پر عدم اعتماد سے متعلق اپوزیشن متحدہوگئی،پیپلزپارٹی ،جے یو آئی اور باغی اراکان نے گورنر کے پی کو خط ارسال کردیا،

گورنرکو ارسال کردہ مراسلوں میں کہا گیا ہے کہ گورنر آئین کے مطابق وزیر اعلیٰ سے اعتماد کا ووٹ لینے کاکہیں،خط کے متن میں کہا گیا ہے کہ وزیر اعلیٰ کے پاس اکثریت نہیں رہی،اس سے قبل اے این پی بھی گورنر خیبرپختونخوا کو وزیر اعلیٰ سے اعتماد کا ووٹ لینے سے متعلق مراسلہ ارسال کر چکی ہے۔ دریں اثناء خیبرپختونخوا اسمبلی کا تین مئی کوہونے والا اجلاس چودہ مئی تک موخر کردیا گیا،اپوزیشن اراکین کاکہنا ہے کہ حکومت نے عدم اعتماد تحریک کے باعث اجلاس ملتوی کیا۔ خیبرپختونخوا حکومت نے کے پی اسمبلی کا جمعرات کو ہونے والا اجلاس ملتوی کردیا،اسمبلی سیکرٹریٹ کے مطابق اسمبلی کا اجلاس چودہ مئی تک موخر کیا گیا ہے ،اپوزیشن اراکین نے تنقید کرتے ہوئے کہا ہے کہ عدم اعتماد کے ڈر سے اسمبلی اجلاس ملتوی کیا گیا ،اپوزیشن نے بھی وزیراعلیٰ کے خلاف اسمبلی میں عدم اعتماد کی حکمت عملی طے کررکھی تھی۔علاوہ ازیں جماعت اسلامی نے خیبر پختونخوا حکومت سے علیحدگی کا اعلان کردیا ،وزیر اعلیٰ پرویزخٹک کہتے ہیں اچھے ساتھی رہے ،جدائی صرف سیاسی ہے ۔ جماعت اسلامی کے وزراء کی کارکرگی بہت اچھی رہی،اکٹھے حکومت کی تو اچھے طریقے سے علیحدگی اختیار کررہے ہیں،وزیراعلیٰ ہاؤس میں وزیر اعلیٰ پرویز خٹک اور جماعت اسلامی کے وزراء نے مشترکہ پریس کانفرنس کی،

اس موقع وزیر اعلیٰ پرویز خٹک کا کہنا تھا کہ آج ہم اور جماعت اسلامی جدا ہو رہے ہیں،اچھے ساتھی رہے جدائی صرف سیاسی ہے،وزیر اعلیٰ پرویز خٹک نے جماعت اسلامی کے وزراء کی تعریف کرتے ہوئے کہا کہ جماعت اسلامی کے وزراء کی کارکرگی بہت اچھی رہی،اکٹھے حکومت کی تو اچھے طریقے سے علیحدگی اختیار کررہے ہیں،بجلی کے مسئلے پر مشترکہ کوششوں سے سالانہ چھ ارب سے بڑھ کر اب بیس ارب روپے ملتے ہیں۔وزیر

اعلیٰ کا کہنا تھا کہ اسلام آباد میں فیصلہ کیا کہ فاٹا صوبے میں ضم ہو جائیگا،اور سال دوہزار بیس میں فاٹا خیبر پختونخوا میں ضم ہو جائیگا، وزیر اعلیٰ پرویز خٹک کا پی ٹی ایم کے حوالے سے کہنا تھا کہ پشتون تحفظ موومنٹ سے گزارش ہے کہ جوبھی مسائل ہیں وہ جرگہ میں کریں ،جماعت اسلامی کے وزیر عنایت اللہ کا کہنا تھا کہ نیا ٹرینڈ سیٹ کیا خوش اسلوبی سے الگ ہو رہے ہیں،،میرٹ پر عمل کیا اور بھرتیاں میرٹ پر ہوئیں