اسلام آباد (مانیٹرنگ ڈیسک)وزیر مملکت برائے خزانہ رانا  افضل کی سوشل میڈیا پرایک مبینہ تحریر وائرل ہورہی ہے ۔جسے دیکھ کر لگتا ہے کہ یہ خط مبینہ طور پر پارٹی قیادت کو لکھا گیا ہے ۔ وزیر مملکت نے تحریر کیا  کہ’’ اطلاع عرض ہے کہ 2018ء کے الیکشن میں صرف اور صرف این اے 108 سے الیکشن لڑوں گا، کچھ مہربان نے مجھے سینیٹر بنا کر میری وہ سیٹ جو 1997ء سے پارٹی نے

مجھے دی ہےمجھ سے لینا چاہتے ہیں۔ان کے لیے عرض ہےکہ اگر اللہ تعالیٰ نے زندگی دی تو میں 2024ء میں ضرور سینیٹر بنوں گا، شکریہ رانا محمد افضل خان۔ وزیر مملکت برائے خزانہ پاکستان مسلم لیگ ن حکومت پاکستان‘‘ اس تحریر میں اردو کی اتنی غلطیاں ہیں جس کی وجہ سے یہ تحریر سوشل میڈیا پر وائرل ہوئی۔ سوشل میڈیا صارفین کا کہنا تھا کہ جب کسی کو بھی اٹھا کر وزیر بنا دیا جائے تو یہی نتیجہ سامنے آئیگا۔

موضوعات:رانا افضل